1. మాటలు మౌనాన్నే ఆశ్రయించాయి _ నీ తీయనిస్వరం వినగానే ll15- 10 -2013ll

 

 

2. నీ ఊహలన్నీ వసంత కుసుమాలే _ ఎడారి మదికి నిత్య పరిమళమిస్తూ ll15- 10 -2013ll

 

 

3. రెప్పల మాటున ముకుళాలు _ చెక్కిలిపై విచ్చుకుంటున్నాయి నీ చూపుల తాకిడికి ll15- 10 -2013ll

 

 

4. హృదికి చినుకు అందెల నర్తనాలే_ నిను తలిచే ప్రతీ క్షణంలో ll16- 10 -2013ll

 

 

5.నవరత్నాలే _ నా నడుము వంపుల్లో జారే నీ చూపుల మంచు బిందువులు ll16- 10 -2013ll

 

 

6. ఒళ్ళంతా తుళ్ళింతలే _ తలంబ్రాలను జార్చుతూ తనువును మీటే వేళ్ళ అల్లరికి ll16- 10 -2013ll

 

 

7. మరుమల్లెలు మత్తిల్లు ( సిగ్గిల్లు ) తున్నాయి _ నీ సోయగాల పరిమళాలకు ll17- 10 -2013ll

 

 

8. వలపుల దోసిలి పట్టవా _ నా తలపుల ( ఊహల ) ముత్యాలతో నింపుతాను ...(నింపాలి ) ll17- 10 -2013ll

 

 

9. మది మొబైల్ స్విచ్ ఆఫ్ చేసావా _" మిస్సు" డు కాల్స్ మూగబోతున్నాయ్ ll17- 10 -2013ll

 

 

10 . మదికి నేర్పేవి నర్తనాలే _ నీ ఊహలసొదలు ఏవేవో రొదలతో ll18- 10 -2013ll

 

 

11. నా హృదయంలో ఉప్పుటేరులు _ నీ కంటి వెతల బిందువులతోనే ll18- 10 -2013ll

 

 

12. నా సిగ్గులన్నిటినీ పోగేసి పెట్టుకుంటున్నా _ కెంపుల సరాలు అల్లుదామని ll18- 10 -2013ll

 

 

13. మది కోకిలకెపుడూ మదన స్వరాలే _ వలపు చిగురులు మరిగి ll19- 10 -2013ll

 

 

14. మనో పుస్తకం మసకబారుతోంది _ నీ జ్ఞాపకాల పేజీలను తిరగేస్తుంటే ( చదువుతుంటే ) ll19- 10 -2013ll

 

 

15. మది చివురులనుండి జారే మంచు బిందువులే _ నీపై పెంచుకున్న నా ఆశలు ll19- 10 -2013ll

 

 

16 . ప్రేమ గ్రహణం విడువని ( పట్టిన ) జాబిలినే _ నీ తలపుల గగనంలో ll20- 10 -2013ll

 

 

17 . సిగ్గుల తడికి ముడుచుకున్న కమలాలే _ వలపు కొలనులో చిలిపి ఊహలు ll20- 10 -2013ll

 

 

18 . వలపుల గీతాలాపనే _ మది రెమ్మన ఊయలలూగే ఊహల కోయిలకెపుడూ ll20- 10 -2013ll

 

 

19 . మది గులాబీ చుట్టూ నీ జ్ఞాపకాల కంటకాలే _ తీయని గాయాలను రేపుతూ ll21- 10 -2013ll

 

 

20 . గడిచిన బాల్యమే కావాలి _ వరంగా ll21- 10 -2013ll

 

 

21. ఎన్ని జన్మలైనా వేచిఉంటా _ అమ్మకు అమ్మనై పుట్టి ఋణం తీర్చుకునే బాగ్యానికై ll21- 10 -2013ll

 

 

22. నా చెక్కిలిపై సిగ్గుల గోరింటలు _ నీ కొనగోటిమీటుకే ll22- 10 -2013ll

 

23 . తన ప్రతిరూపాన్ని పంపాడు నాన్నగా _ రూపాన్ని చూపమని దైవాన్ని కోరితే ll22- 10 -2013ll

 

24 . అంతరంగపు అరలన్నీ నిండిపోతున్నాయి ( నిండి పోయేది ) _ నీ జ్ఞాపకాల పుస్తకాలతోనే ll22- 10 -2013ll

 

25 . హృది గగనపు వీధులంతా వలపు తారల బారులే _ నీ జ్ఞాపకాలై మెరిస్తూ ( వెలుగుతూ ) ll22- 10 -2013ll

 

26. జ్ఞాపకాలని తోక్కేస్తూ నీ తలపులు _ కాళీయమర్దనం చేసే కన్నయ్య పాదాల్లా ll23- 10 -2013ll

 

27. ఊహల రెప్పల మాటునే దాచి పెడుతున్నా _ చిగురిస్తున్న స్వప్నాలను ll23- 10 -2013ll

 

28 . ఓర్చుకుంటూనే ఉంటా, వేయి జన్మలైనా _ నీ జ్ఞాపకాల గాయాలను ll24- 10 -2013ll

 

29 . మట్టిపూల పరిమళమే మనోధాత్రికి _ నీ తలపుల తొలకరికి ll24- 10 -2013ll

 

30. మదిలో అత్తరుల పరిమళమే _ నీ స్వర సుమాలతో ll24- 10 -2013ll

 

31 . మది కొలనులో విచ్చిన(విరసిన) కలువలు _ నీ చిలిపి ఊహలతోనే ll24- 10 -2013ll

 

32 . తలపుల తారకలు _ నీ విరహాకాశంలో తళుకులీనుతూ ll25- 10 -2013ll

 

33 . నా మదిలో ప్రేమజ్యోతులను వెలిగేది _ నీ మురిపాల చమురుతోనే ll25- 10 -2013ll

 

34. నా ఊహల ప్రశ్నాపత్రం లీక్ చేసుకున్నా _ నీ ప్రేమ పరిక్షలో ఫెయిల్ అయిపోయా ll26- 10 -2013ll

 

35 . గట్టున ఉన్న పిల్ల కోసమా _.పిల్ల కాలువకు " షి "కార్ అంటే ll26- 10 -2013ll

 

36 . మనో మార్గమంతా విశాలమే _ తలపుల వాహనాల జోరెంత ఉన్నా ll26- 10 -2013ll

 

37 . పుస్తకంగా మార్చాలి _ ప్రింట్ తీసుకుని పెట్టుకున్న నీపై 'ఫీలింగ్స్' ని ll27- 10 -2013ll

 

38 . ఊహల వంతెనలే నిర్మించుకుంటున్నా _ నీ తలపుల సాగరాన్ని దాటాలని ll27- 10 -2013ll

 

39 . నీ తలపుల చిగురులతో సుసంపన్నమే _ మనో క్షేత్రమంతా ll27- 10 -2013ll

 

40 . మది కొలనులో వెన్నెలనై ఈదుతున్నా _ నీ జ్ఞాపకాల చీకట్లను చీల్చాలని ll28- 10 -2013ll

 

41 . బాషకందని ఆనందాలే _ పసి మువ్వనై నీ ఊహల ఊయల ఊగుతుంటే ll28- 10 -2013ll

 

42 . మనో పుస్తకాంలో అక్షరాలు మసకగా _ నీ జ్ఞాపకాలిచ్చిన కన్నీటిపొరలతో ll28 10 -2013ll

 

43 . ఉప్పునీటిసరస్సుల నిలయాలే నా కళ్ళు _ నీ జ్ఞాపకాల వేదనతో నిండిపోతూ ll29- 10 -2013ll

 

44 . సాహితీ క్షేత్రమంతా పిల్లమొలకలు _ నీ భావాక్షరాల చిగురులతో ll29- 10 -2013ll

 

45 . మనో సరస్సులో ఈదులాడే మీనాల సందడులే _ నీ చిలిపి జ్ఞాపకాలు ll29- 10 -2013ll

 

46 . వెలిగే నా కంటిపాపలే _ హృదిలో వెలుగుతున్న నీ ఆశలు ll30- 10 -2013ll

 

47 . అక్షరకుసుమాల పరిమళాలే _ సాహితీ నందనమంతా ll30- 10 -2013ll

 

48 . యెద కోయిల కువ కువలే _ తలపుల కాంబోజీ రాగాలతో ll30- 10 -2013ll

 

49 . విశ్వామిత్రుడినర్ధిస్తున్నా ప్రతిసృష్టి చేయమని_ చంద్రుడినందుకుందామని ll31- 10 -2013ll

 

50 . 'పూజ' 'అర్చన'లను కూడా తీసుకురా అంటావేమిటి_ "శాంతి " కోసమే గుడికంటే ll31- 10 -2013ll

 

51 . తారాగృహాలకు శశాంకుడేసేవి మదనబాటలే _ వెన్నెల చెంత లేకుంటే ll31- 10 -2013ll

 

52 . నాన్న ప్రేమ ఎపుడూ అక్షయ పాత్రనే _ తోడే కొద్దీ ఊరే ఊట బావిలా ll1- 11 -2013ll

 

53 . మౌనంతోనే ముచ్చటిస్తున్నా _ ఎటు తిరిగినా నీ జ్ఞాపకాలే అగుపిస్తుంటే ll1- 11 -2013ll

 

54 . అక్షర కెరటాలెన్నో ఎగిసి పడుతున్నాయి _ భావాల తీరాన్ని చేరుతూ ll1- 11 -2013ll

 

55 . ఎదురింటి 'సంధ్య'కే నా ప్రేమవందనం అంటావే _ "త్రి" సంధ్యా వందనమంటే ll2- 11 -2013ll

 

56 . దిల్ (DILL) ని కిల్ (KILL) చేస్తూనే ఉంటావు - ఎంత డీప్ (DEEP) గా లవ్ (LOVE ) చేస్తున్నా ll2- 11 -2013ll

 

57 . నీ ఊహల పుస్తకం నుండి జారిన పేజీనే _ జ్ఞాపకాల అక్షరాలను భారంగా మోస్తూ ll2- 11 -2013ll

 

58 . మిణుగురుల మెరుపులే ఆశాజ్యోతులు _ నీ జ్ఞాపకాల నిశీధిలో ll4- 11 -2013ll

 

59 . రణోత్సాహమే _ నీ తలపుల పంచ కళ్యాణీలను స్వారీ చేస్తుంటే ll4- 11 -2013ll

 

60 . కలనైనా కానరావు _ గుండెల్లోను , గుర్తుల్లోను మాత్రమే దాగుండి పోతూ ll4- 11 -2013ll

 

61 . కనులకెందుకో నిదుర లేమి _ గుబులు గుండెకైతే ll5- 11 -2013ll

 

62 . స్వప్న కుసుమాలై వాడి పోతున్నాయి _ కంటి లతలకు విరిసిన ఆశలన్నీ ll5- 11 -2013ll

 

63 . కన్నీటి వనరులెన్నో _ గుండెల్లో కంటకాల వనాలకి ll5- 11 -2013ll

 

64 . కలలకి మాత్రం పరిమితం చేసావు _ రెప్పల బయటకు నెట్టేసి ll 6- 11 -2013ll

 

65 . దిల్ లో నీ కబ్జాలు _అడగకుండా ఆక్రమించడమే ముద్దంటూ ll 6- 11 -2013ll

 

66 . ప్రతి రోజూ మాఘమాసమే _ మనో వేణువు కళ్యాణరాగాలనాలపిస్తుంటే ll 6- 11 -2013ll

 

67 . తేనెల జలపాతాలే _ యెదతీరాన్ని అలలై తాకే నీస్వర తరంగాలు ll 7- 11 -2013ll

 

68 . ప్రేమ వారధిని నిర్మిస్తున్నాను _ ఏడేడు జన్మల బంధాలను కలుపుకుంటూ ll 7- 11 -2013ll

 

69 . రాత్రిలో స్నానమాడిన చెరకువింటి ముక్కలు _ నా మామ కనుబొమలు ll 7- 11 -2013ll

 

70. ఎగిసిపడే కెరటాలే _ మనోసాగరతీరం తాకే నీ తలపులు ll 8- 11 -2013ll

 

71. హృదయం నిండా ప్రేమ గాయాలే _ నీ చూపుల తూటాలతో ll 8- 11 -2013ll

 

72. మనో కుసుమంపై వాలిన గండు తుమ్మెదవే _ వలపు మకరందాలను గ్రోలేస్తూ ll 8- 11 -2013ll

 

73. ఆశల తోరణాలు కట్టి వేచి ఉన్నా , మధువని రాధికనై _ మనో బృందావనిలో ll12- 11 -2013ll

 

74. కోయిలమ్మ మూగనోము _ నీ పలుకులు విన్నందుకే ll12- 11 -2013ll

 

75. నీవే పూలకారువైతే ...నీ ఊహలు పూలతేరుమీదేగా పరుగులు తీసేది ll12- 11 -2013ll

 

76. మది భాండమెప్పుడూ అక్షయమే _ నీ తలపుల ముత్యాలను నింపుకుని ll13- 11 -2013ll

 

77. రతీదేవి అలిగింది _ మన్మధబాణం తనమీద వేయడం లేదని ll13- 11 -2013ll

 

78. దొంగిలించిన నీ నవ్వులతో ఖజానా నింపుకుంది _ నీలాకాశం ll13- 11 -2013ll

 

79. మరీచికల నీడలే _ గుండెలో నిరాశలైన ఆశలు ll13- 11 -2013ll

 

80. నను నేను కోల్పోతూనే ఉన్నాను _ నిను మరచిన ( తలచిన ) ప్రతి గడియలోనూ ll14- 11 -2013ll

 

81. ఊహలన్నీ గువ్వలై ఎగిరి పోతున్నాయి _ మది గూటిని వదిలేసి ll14- 11 -2013ll

 

82. నీ ఊహా వసంతాన్నే వెదజల్లుతోంది _ ఎన్నిఋతువులు మారినా ll15- 11 -2013ll

 

83. మది గులాబీ చుట్టూ నిట్టూర్పుల ముళ్ళులే _ విరగబడి నవ్వుతూ ll15- 11 -2013ll

 

84. మనో గగనమంతా తారాకుసుమాలే _ ఊహావెన్నెల పుప్పొడులను అద్దుకుని ll15- 11 -2013ll

 

85. ఏకాంతశిశిరంతోనే సహవాసం చేస్తున్నా _ ఒంటరి కోయిలనై ll16- 11 -2013ll

 

86. కనులు తెరిచినా కల "వరింతలే " _ కలలో నీ చిలిపి అల్లరికి ll16- 11 -2013ll

 

87. కనులకేందుకో వడగళ్ళ వానలు ?_ ముసురు పట్టింది మనస్సుకైతే ll16- 11 -2013ll

 

88. ముక్కలైన హృదయం ఆశల రెక్కలను తొడుగుతోంది _ నిను చేరాలనే ll17- 11 -2013ll

 

89. గులాబీల బారులు _ నీ పెదవులపై చిరునవ్వులుగా మారాలని ll17- 11 -2013ll

 

90. నీ తలపులతో "రణాలే " _ మది లోగిలికెపుడూ ll17- 11 -2013ll

 

91. ఊహలకెంత లోకువ _ నీ జాడ లేకున్నా నిన్నే తలుస్తున్నానని ll18- 11 -2013ll

 

92. నా ఆశకెంత అత్యాశ _ రెక్కలు తొడిగి అంబరానికి ఎగరాలని ll18- 11 -2013ll

 

93. నీ ప్రేమనే స్రవిస్తోంది _ మాటల తూటాలతో హృదయాన్ని పేల్చేసినా ll18- 11 -2013ll

 

94. నిలువుదోపిదీకి గురయ్యాను _ నీ చూపుల తాకిడితోనే ll19- 11 -2013ll

 

95. మది పరకాయ ప్రవేశం చేస్తోంది _ నీలో ఉన్న నన్ను చూసుకోవాలని ll19- 11 -2013ll

 

96. భావాలన్నీ బాసల కట్నాలుగా ఇచ్చేశాను _ నీ బంధమై నిలిచిపోవాలని ll19- 11 -2013ll

 

97. ప్రేమ పుష్పాలనే అర్పిస్తున్నా _ మదిలో కొలువై ఉన్న నీ మూర్తికి ll20- 11 -2013ll

 

98. మధువుల జలపాతాలే _ కూనలమ్మతో పోటీకి దిగే నీ స్వరధారలు ll20- 11 -2013ll

 

99. మనో లతలన్నీ విరగపూసాయి _ నీ నవ్వుల పూవులతో ll20- 11 -2013ll

 

100. ప్రేమజలాన్ని పోయవూ వనమాలివై _ పసిమొగ్గలుగానే వాడిపోతున్న ఆశలపై ll21- 11 -2013ll

 

101. నా కన్నీటి సంద్రాన తేలియాడుతూ _ నీ ఊహల నౌకలెన్నో ll21- 11 -2013ll

 

102. మదివేణువు నీ గేయాలనే ఆలపిస్తోంది _ నువ్వెన్ని గాయాలు చేస్తున్నా ll21- 11 -2013ll

 

103. నీ గుండె లయలో నేనే ఉంటా _ ప్రతీ స్పందనను లెక్కిస్తూ ll 03-12-13 ll

 

104. మదిని సిరి మువ్వలై తాకుతున్నాయి _ నీ ఊసులన్నీ ll 03-12-13 ll

 

105. నన్ను చదువుకుంటున్నా _ నాలో ఉన్న నిన్ను అర్ధం చేసుకుందామనే ll 03-12-13 ll

 

106. మౌనంగా మత్తుగా తాకుతున్నాయి _ మదనుని నేర్పునే సవాల్ చేసే నీ చూపులు ll 04-12-13 ll

 

107. కలల సౌదాలన్నీ కూలిపోతున్నాయి _ నా కన్నీటి ప్రవాహానికి ll 04-12-13 ll

 

108. వెలుగుల అద్భుతాలేవో ఆవిష్కరిస్తున్నాయి _ నీ కంటి చందమామలు ll 04-12-13 ll

 

109. స్మృతి సంకెళ్ళనే బిగించుకుంది హృది _ నిను మరచిన పశ్చాత్తాపంతో ll 05-12-2013 ll

 

110. ఆశల మిణుగురులెన్నో , మనో నిశీధిలో _ తారా దీపాలై ll 05-12-2013 ll

 

111. రెప్పలమాటునే వేచి ఉన్నా _ నీ కలగా మారాలనే ll 05-12-2013 ll

 

112.తలపులకెన్ని తంటాలో _ నిను వీడి ఉండలేక ll 06-12-13 ll

 

113. మది సొమ్మసిల్లిపోతోంది _ నీ జ్ఞాపకాల వడదెబ్బకు ll 06-12-13 ll

 

114. మది వాకిలిపై అద్దుకున్నా, రంగవల్లులు గా _ నీ బాసలనే ll 06-12-13 ll

 

115. కన్నీరుగా జారిపోతున్నాయి , నీ జ్ఞాపకాలు _ మదిని నువ్వు ముక్కలు చేస్తుంటే ll 07-12-2013 ll

 

116. నీ దీక్షనే పూనాను _ నియమాలెంత కష్టమైనవైనా ll 07-12-2013 ll

 

117. ఏరుకుంటూనే ఉన్నాను _ నీ చూపులనుండి జారిపోయే దృశ్యాలను ll 07-12-2013 ll

 

118. మురిపించే మువ్వలే _ ఎదలోతుల్లో ఒదిగున్న నీ ఊహలు ll 09/12/13 ll

 

119. మందార మొగ్గలు పిల్లి మొగ్గలేస్తున్నాయి చెక్కిలిపై _ మునిగోటితో మీటుతుంటే ll 09/12/13 ll

 

120. ఏకాంత నిశీధిలో మిణుగురునే _ ఆశలు , నిశ్శబ్దమేలుతుంటే ll 09/12/13 ll

 

121. కరిగి పోతున్నాయి కర్పూరంలా సిగ్గులన్నీ _ నీ చూపుల వేడిమికి ( తాకిడికి ) ll 10/12/13 ll

 

122. యెదను తడిపేస్తున్నాయి హిమప్రవాహాలై _ నీ తలపుల చినుకులు ll 10/12/13 ll

 

123. నిన్నటి కలగానే మిగిలాను _ నీ కనుల మాటునే దాగుండిపోతూ ll 10/12/13 ll

 

124. కళల గురించి చెప్పమంటే _ చంద్రకళ నా ?సూర్యకళ నా ? అంటావేమిటి ? ll 11/12/13 ll

 

125. కనుపాపల్లో నింపుకుంటున్నా నీ పరిచయాన్ని _ కలనైనా మరువకూడదనే ll 11/12/13 ll

 

126. మయూరాలు సైతం విస్తుపోతున్నాయి _ నీ నడకల్లోని హొయలకు ll 11/12/13 ll

 

127. ఊహాగగనంలో ఆశల హరివిల్లే _ నా కన్నుల్లో నీ కలలు ll 12/12/13 ll

 

128. అక్షర పుష్పాలపై భావాల పుప్పొడి _ కవనవనంలో పరిమళిస్తూ ll 12/12/13 ll

 

129. ఎలకోయిలనై వేచి ఉన్నా _ చైత్రంలో నీ మైత్రి కోసమే ll 12/12/13 ll

 

130. ప్రమోదం కాదు విషాదం _ నా ఊహలను నువ్వు ఉరితీస్తుంటే ll 13/12/13 ll

 

131. తొలి సిగ్గులేవో జాలువారుతున్నాయి చెక్కిలిపై _ నీ నోట నా నామం వింటుంటే ll 13/12/13 ll

 

132. చరవాణికి చిలిపి ప్రకంపనలే _ నీ చిత్రం ముఖచిత్రమైనప్పటినుండీ ll 13/12/13 ll

 

133. స్మృతి పధంలో నిన్నే స్మరిస్తూ _ తన్మయత్వంతో నాలో నేను ll 19/12/13 ll

 

134. ఎక్కుపెడుతున్నాను , అక్షరాలనే ఆయుధంగా _ బూజుపట్టిన వ్యవస్థపై ll 19/12/13 ll

 

135. నీ కలల్లోనే తేలిపోతున్నాను _ ప్రక్కనే నువ్వున్నావన్న ద్యాసను మరచి (విడిచి ) ll 19/12/13 ll

 

136. నను నేను మరచిన క్షణం _ నిను నేను వలచిన క్షణమే ll 20/12/13 ll

 

137. నీ చిత్తమెపుడూ ప్రళయమే _ ఘర్జించే మేఘంలా , ll 20/12/13 ll

 

138. చిగురుటాకుల లేఖలే వ్రాస్తున్నాను _ ఎదనిండిన భావాలతో ll 20/12/13 ll

 

139. గోధూళి తెరలో మలి సంధ్యలే _ మబ్బు మాటున దాగిన జాబిలమ్మ సోయగాలు.ll 21/12/13 ll

 

140. వేకువనే అయ్యాను _ చిగురుచెక్కిలిపై మంచు బిందువునై జారాలనే .ll 21/12/13 ll

 

141. చిగురుమావిపై వసంత కోయిల సందడులే హృదికి _ నువ్వు తలపుకొస్తే.ll 21/12/13 ll

 

142. మది మాటునే మౌనపోరాటం _ వేసారిన మనస్సుకు .ll 22/12/13 ll

 

143. సంబరాలు అంబరాన్ని తాకుతున్నాయి _ ఎద లయకు శ్రుతివై నువ్వు జత చేరితే .ll 22/12/13 ll

 

144. ఎదమడుగులో వాడిపోయే కలువలు _ నీపై నా ఆశలు.ll 22/12/13 ll

 

145. నీ నవ్వుల ఉషోదయాలు _ నిరాశా తిమిరపు తెరలను తొలగిస్తూ .ll 23/12/13 ll

 

146. వసంతరాగాల సుప్రభాతమాలపిస్తున్నా _ మధుమాసపు కోయిలనై ll 23/12/13 ll

 

147. తెలిమంచు పూలార్చనలే _ భానుమూర్తి పసిడి కిరణాల సోయగాలకు ll 23/12/13 ll

 

148. ఆనందపు విరి జల్లులే _ ఆమనివై నువ్వు అరుదెంచితే ll 24/12/13 ll

 

149 .నా కన్నుల్లో నీ రూపమే _ దీపంగా వెలుగులు చిమ్ముతూ ll 24/12/13 ll

 

150. పగలబడి నవ్వాయేమో లతలన్నీ _ మా పెరటి విరులైనాయి ..ll 24/12/13 ll

 

151. ఇంత అలుసెందుకు నా ప్రేమంటే _ వలచి వచ్చాననే చులకనేగా ll27/12/13 ll

 

152. కన్నుల్లో మెరుపుల తళుకులే _ నీ ప్రియరూపం కాంచుతుంటే ll 27/12/13 ll

 

153. పరవశమే _ నీ ప్రేమ అంచులను స్పృశిస్తుంటే ll 27/12/13 ll

154. భ్రమగానే మిగిలిపోయింది _ కరిగిపోయిన నా స్వప్నం ll 31/12/13 ll

 

155. నిశబ్దంలో చిరు శబ్దంలా _ నీ జ్ఞాపకం ll 31/12/13 ll

156. తన్మయత్వమే _ నా తలపులు నీ ప్రేమ కక్ష్యలోనే తిరుగుతుంటే ll 31/12/13 ll

 

157. వసంతమే వర్షిస్తోంది _ నీ బాటకు పూల తివాచీని పరచాలని కాబోలు ll 02/01/14 ll

 

158. శాశ్వత పూజారిణినే _ నీకు ప్రేమ దీపారాధన చేస్తూ ll 02/01/13 ll

 

159. కన్నీటి హారతులే _ నీకై వేసారిన నా కనులతో ll 02/01/14 ll

160. ముద్దుల కూననే అవుతున్నా _ నువ్వింతగా లాలిస్తుంటే ll 06/01/14 ll

 

161. భ్రూణ హత్యలు _ మానవ జాతి నిర్మూలనకి సన్నాహాలు ll 06/01/14 ll

 

162.  నిత్యం శివరాత్రి జాగరణలే _ నీ జ్ఞాపకాలతో ll 06/01/14 ll

163. చిగురాకుల లేఖలపై లిఖిస్తున్నా హిమబిందువులతో _ ప్రేమాక్షరాలను ll 07/01/14 ll

 

164. నీరాంజనాలే అర్పిస్తున్నా _ జీవితమంతా నీకే కానుక చేస్తూ ll 07/01/14 ll

165. శ్వాసవే _ నిశ్వాసవై నను వీడి పోతూ ll 07/01/14 ll

 

166. గ్రహణం పట్టిన జాబిలినే _ శారద యామినిలో ll 16/01/14 ll

167. నను వీడిన క్షణం _ నీ ఉనికే నా ఊపిరని గుర్తించిన తరుణం ll 16/01/14 ll

 

168. ఇంత చాకచక్యమా ?_హృదయాన్ని చిద్రం చేయడంలో ll 16/01/14 ll

 

169. ఆవిరై మిగిలిపోతోంది _ ఆదమరిచి జారిన కన్నీటి ముత్యం ll 17/01/14 ll

 

170. నీ పెదవులపై నాట్యమాడుతోంది _ మకరందాలలో మునిగిన నా నామం ll 17/01/14 ll

 

171. మౌనికనై వేచి ఉంటా_ నీ ప్రత్యూషపు పద ధ్వనులకై ll 17/01/14 ll

172. మధుమాలికనే అవుతున్నా _ నీ నవ్వుల ధారలలో తడిసి మురిసి ll 18/01/14 ll

 

173. శ్రావ్య గీతికనే _ నీ స్వరంతో, లయనై జత పడుతూ ll 18/01/14 ll

 

174. ప్రేమాక్షితనే నేను _ నాకే సొంతమైన ,నీ హృదయపు ప్రేమ సామ్రాజ్యంలో ll 18/01/14 ll

175 . పరవసిస్తున్నా, మాధవుని మాటల వేణువులకు _ రాగ దీవిలో రాధికనై ll 19/01/14 ll

176. చినుకు అందెలకు నర్తించే చంద్రవంకనే _ వినీలవనిలో విపంచినై ll 19/01/14 ll

177.కస్తూరి లేఖనై పరిమళిస్తున్నా _ నీ జ్ఞాపకాలే కుసిమిస్తుంటే ll 19/01/14 ll

 

178. ముత్యాలరాసులు చిన్నబోతున్నాయి_నీదరహాసపు జిలుగులకు (వెలుగులకి) ll 20/01/14 ll

 

179. సుదీపికలే _ నా కన్నుల వెలిగే నీ వర్చస్సులు ll 20/01/14 ll

 

180. పిచ్చి మదికి యెంత ఆత్రమో ? _ నీ సప్త జన్మల బంధమై నిలవాలని ll 20/01/14 ll

 

181. చూపులు మత్తిల్లుతున్నాయి _ నీ సుకు"మారానికి" ll 21/01/14 ll

 

182. ఏ మంత్రం వేసావో హృదికి _ కలనైనా నీ వలపే ll 21/01/14 ll

 

183. సూటిగా తాకుతున్నాయి నీ జ్ఞాపకాలు _ ముళ్ళై గుచ్చుకుంటూ యెదలో ll 21/01/14 ll

 

184. నిశీధి నైరాశ్యం _ నీ మదిలో నాకు చోటు లేదని తెలిసిననందుకే ll 22-01-2014 ll

 

185. నీ శ్వాసల వెచ్చని వీచికలకై వేచి ఉన్నా _ వెన్నెల రేయిలో తారకనై ll 22-01-2014 ll

 

( OR) నీ శ్వాసల వెన్నెల వీచికలకై వేచి ఉన్నా _ రేయిలో తారకనై ll 22-01-2014 ll

 

186. ముత్యాలు తమ ఖజానాను నింపుకుంటున్నాయి_నీదరహాసాల్ని ఏరుకుని ll 22-01-2014 ll

 

187. అప్రయత్నంగా నా మనస్సు ఎదురుచూసేది _ నీ ప్రేమను పొందాలనే ll 28/01/14 ll

 

188. కలకాలం తోడై ఉంటావనుకున్నా _ చీకటిలో ఛాయలా వీడిపోతావనుకోలేదు ll 28/01/14 ll

 

189. ఆశల కుసుమాలు వాడి పోతున్నాయి _ జ్ఞాపకాల పరిమళాలను విడుస్తూ ll 28/01/14 ll

 

190. నీ పేరునే గుండె చప్పుడుగా మార్చుకుంటోంది _ నువ్వు వెలివేసిన నా హృదయం ll 03/02/14 ll

 

191. కనుపాప నిను దాచుకుంటోంది _ కమ్మని స్వప్నంగా ll 03/02/14 ll

 

192. రోజులెంత శూన్యంగా గడుస్తున్నాయో _ నీ పలుకులు వినకుంటే ll 03/02/14 ll

 

193.నీ ప్రేమ దివ్వెలనే వెలిగిస్తున్నా, ఆరని జ్యోతులుగా _ హృదయ యామినిలో ll 04/02/14 ll

194. ఋతువులన్నీ కరిగిపోతున్నాయి _ ఎదురుచూపులోనే ll 04/02/14 ll

 

195. నా ఊపిరంతా వేదనా భరితమే _ నీ ఊసులు లేక ll 04/02/14 ll

 

196. నా గుండెకు లయ దేనికో _నువ్వు శ్వాసిస్తే ll 05/02/14 ll

197. మనస్సు మైదానం బీడువారుతోంది _ ప్రేమ చినుకులను చిలకరించవా ? ll 05/02/14 ll

198. నన్ను నాకంటే గొప్పగా చూపిస్తుంది _ నీ ప్రేమ దర్పణం ll 05/02/14 ll

 

199. కలలన్నీ జారిపోతున్నాయి _ కన్నీళ్లుగానే ll 06/02/14 ll

 

200. కళ్ళతోనే చదువుతున్నా _ నీ మనోభావాలను ll 06/02/14 ll

 

201. గడ్డి పూలకెంత సంబరమో _ మంచు చెంగును కప్పుకుని ll 06/02/14 ll

 

 

202. జ్ఞాపకాలై మదిని మెలిపెడుతున్నాయి _ మనం కన్న కలలన్నీ  ll 07/02/14 ll

 

203. విషాదమైనా అమృతమయమే _ నీవిచ్చేదైతే  ll 07/02/14 ll

 

204. నీ కన్నుల్లో ఏ లిపికీ అందని భావాలే _ కొంటె సైగలేవో చేసేస్తూ  ll 07/02/14 ll

 

205. సహనంలోనూ గెలుపు నీదే _ ఓర్పుకే ఓనమాలు నేర్పిస్తూ  ll 10/02/14 ll

 

206.  వసంతమే మత్తిల్లిపోతోంది _ కొత్త చివుళ్ళు తిన్న మత్తకోకిలలా  ll 10/02/14 ll

 

207. గ్రీషాన్ని పలుకరించే వర్షపుజల్లులే _ నీతీయని పలుకుల స్వరాలు  ll 10/02/14 ll

 

208. మనో పుస్తకమంతా నింపేసాను _ నీ ప్రేమ లేఖలతోనే  ll 12/02/14 ll

 

209. జతపడాలనేగా _ మాటల వంతెనలను నిర్మిస్తున్నావ్  ll 12/02/14 ll

 

210.నాకు నేను అపరిచితనే_నువ్వు జ్ఞప్తికి వచ్చిన క్షణంలో   ll 12/02/14 ll

 

211. నీ జ్ఞాపకాల మొగ్గలే_ నా కలలవనంలో వికసిస్తూ  ll 13/02/14 ll

 

212. నా ఊహల చిత్రాలే _ మది అల్మారాలో దాచుకున్న నీ ఊసులన్నీ  ll 13/02/14 ll

 

213. ఊహల గొలుసులతో బందీని చేసాను _ నిను, నా మనోదుర్గం లో  ll 13/02/14 ll

 

214. కురులను మత్తెక్కిస్తునాయి _ మరులు గొలిపే విరులు  ll 15/02/14 ll

 

215. ఋతుశోభలకు ధీటుగా _ నీ దరహాసపు సోయగం  ll 15/02/14 ll

 

216.  చైత్ర వీణియకెన్ని ఆలాపనలో_ తుమ్మెదల ఝుంకారాలతో   ll 15/02/14 ll

 

217. విషాదగీతికనే అనుకున్నా _ నా తలరాతను నీవు మార్చేవరకు  ll 18/02/14 ll

 

218.ఏం మాయ చేసావో _ నీ పలుకులనే ఆలకిస్తోంది ...నీదైపోయిన నా మనస్సు   ll 18/02/14 ll

 

219. హృదయ క్షేత్రమంతా నీ జ్ఞాపకాల విత్తులే _ మదిని చీల్చుకుంటూ పైకోస్తూ   ll 18/02/14 ll

 

220. నీ కలల వానకు వెలిసి పోతూ _ చెక్కిలిపై ముద్దుల తడి ll 20/03/14 ll

 

221.వెలుగు పుష్పాలై విచ్చుకుంటున్నాయి _ తారా భామలు  ll 20/03/14 ll

 

222.వెలుతురు సౌధం _ నీ నవ్వుల విరుల రధం  ll 20/03/14 ll

 

223.వెలికి తీస్తూనే ఉన్నా _ గుండెలోని సమాధి చిత్రాలను  ll 22/03/14 ll

 

224.  వలపు పుప్పొడిని దోచి పారిపోతూ _ తుంటరి తూనీగల్లె   ll 22/03/14 ll

 

225. హరివిల్లు వన్నెలద్దుకుంది_నీ అందాలతో   ll 22/03/14 ll

 

226. హరివిల్లు విరబూసింది _ నీ దరహాసాలను అద్దుకుని  ll 22/03/14 ll

 

227. ప్రేమలేఖగా వ్రాసా నీకే ముందుగా _ నా మదిలో మాట   ll 23/03/14 ll

 

228.  నీ పాదాలానే ముద్దిడుతోంది _ మది అందియగా మారి   ll 23/03/14 ll

 

229. నా చిగురాశల గంధం_ నీ శ్వాసకుపంచే మకరందం   ll 23/03/14 ll

 

230. హరివింటి పొదరింట సువర్ణ లేఖలు _ నీ కనుల బాసలు   ll 01/04/14 ll

 

231. పూలమనసుకెన్ని పులకింతలో _ భ్రమరాల ఝుంకారాలతో  ll 01/04/14 ll

 

232. ఝరులకెన్ని లయలో _ గిరుల సిరులను తాకిన తమకంతో ll 01/04/14 ll

 

233. స్వరాల కొలనులో వికసించే కమలం _ నీకై నే పాడే ప్రతి పదం ll 09/04/14 ll

 

234. ప్రణయవేదికపై మురళిగీతిక _ నా మూగమనస్సు ఆలాపన  ll 09/04/14 ll

 

235. నా ఊహల స్వేచ్చా విహంగాలు _ నీ హృదయపంజరంలో బందీలే  ll 09/04/14 ll

 

236. నే ఓటమినే కోరుకుంటా _ మన మధ్య వాదమే వస్తే  ll 19/04/14 ll

 

2.37 ప్రణయార్పణమే చేస్తా ప్రాణాన్నే _ నా జతై నువ్వుంటే  ll 19/04/14 ll

 

238. కుహుకుహు గమకాలే పోటీ పడుతున్నాయి నీ పలుకులతో _ చైత్ర వేదికపై  ll 19/04/14 ll

 

239.ఆరు ఋతువుల సంగమం  _ మదిమాటున దాగిన నీ తలపుల పూవనం   ll 28/04/14 ll

 

240. కోర్కెల వెంట పయనం_వెంట రావని తెలిసీ  ll 28/04/14 ll

 

241. గుండెనే దిండుగా మార్చుకున్నా _ కన్నీటి చెలమల్ని పీల్చుకోవాలిగా  ll 28/04/14 ll

 

242.నిశబ్ద ఖేదాలెన్నో _ కనులు దాచిన స్వప్నాల మాటున  ll 29/04/14 ll

 

243. మదివాకిట ముసిరిన చీకట్లను తరిమేస్తూ _ నీ తలపులదీపికలు  ll 29/04/14 ll

 

244. నా కన్నీటి సాగరంలో నిమజ్జనమైపోతూ _ నీ జ్ఞాపకాలు  ll 29/04/14 ll

 

245. మదికి విహంగవీక్షణమే _ రెక్కలుతొడిగిన నీ ఊహల రెపరెపలతో  ll 01/05/14 ll

 

246. నయనసాగరాన మునిగితేలుతూ _ నా ఆశల నౌకలు  ll 01/05/14 ll

 

247. కెందామరలెన్నో విచ్చుకుంటున్నాయి చెక్కిలిపై _ సిగ్గుల మొగ్గలేస్తూ  ll 01/05/14 ll

 

248.వేదనాల అలలెన్నో _ సుడిగుండాలై తిరుగుతూ ... మనోసాగరమంతా  ll 04/05/14 ll

 

249. కనురెప్పల కెంత అవస్థ _ జారిపోయే అశ్రువులను  పట్టుకోవడం చేతకాక  ll 04/05/14 ll

 

250. మౌనాన్నే ఆశ్రయిస్తున్నా _ నిశబ్ద తలపుల యుద్దానికి ఆయుధంగా  ll 04/05/14 ll

 

251. వసంత సమీరమై సృశిస్తూ _ వసి వాడని నీ ప్రేమ  సుగంధాలెన్నో ll 05/05/14 ll

 

252. నీ తలపుల పరిమళ రాగాలెన్నో _ కుసుమించే నా ఆశల విరులకు  ll 05/05/14 ll

 

253.  మనసువాకిట్లో ఊహల రంగవల్లులే _ నీ కలల హరివిల్లులనద్దుకుని  ll 05/05/14 ll

 

254. కలానికెన్ని కులుకులో _ వలపు సిరా... ప్రేమ సాగరమై పొంగిపొర్లుతుంటే ll 09/05/14 ll

 

255. ఆప్యాయంగా ముద్దాడుతూ నీ జ్ఞాపకాలు _ చెక్కిలిపై జారిపోయే కంటి బిందువులై  ll 09/05/14 ll

 

256. ఆశల మిణుగురులెన్నో.... తళుకుల తారలౌతూ _ నిరవపు నిశీధిలో  ll 09/05/14 ll

 

257. ఆలోచనలన్నీ వలస పోతున్నాయి _ నీ వెంటే సై అంటూ  ll 10/05/14 ll

 

258. పరిమళ రాగాలేవో మీటుతున్నాయి....మనోవనంలో _ కోయిలై నువ్వు వాలుతుంటే  ll 10/05/14 ll

 

259. మనో సుమానికి పరాగాలెన్నో _ నీ తలపుల పుప్పొడులేవో తాకుతుంటే  ll 10/05/14 ll

 

260. ఎద పొత్తిళ్ళలో ఒదిగి పోతూ _ వెచ్చటి నీ తలపుల పసిపాపలు  ll 17/05/14 ll

 

261. వసంత సౌరభాలు _ కలల్లోకి ....నీ నడకల గుబాళింపుతో ll 17/05/14 ll

 

262. నీ మునివేళ్ళ సవ్వడికేమో ? _ గమకాల సరళీస్వరాలెన్నో ... నా హృదయానికి  ll 17/05/14 ll

 

263. సరిక్రొత్త రాగాలెన్నో సాధన చేస్తున్నా _ వసంతమై నువ్వొస్తే..ఆలపిద్దామని  ll 20/05/14 ll

 

264. దరహాసపు మొగ్గలు తొడుగుతున్నాయి పెదవులు _ నీ ఊసుల చివురులతో  ll 20/05/14 ll

 

265. వర్షించేందుకు సిద్ధమైన దుఃఖపు మేఘాలెన్నో _ నయనాకాశంనుండి తొంగిచూస్తూ ll 20/05/14 ll

266.  ఎదను పేల్చేస్తున్నాయి _ నీ చూపుల శతఘ్నులు ll 24/05/14 ll

267. మోహవాహినిలో పరవశిస్తున్నా _ నాలో ఇమిడిన నీలోకి ఒదిగిపోతూ  ll 24/05/14 ll

268. నీ పిలుపేమోనని తుళ్ళిపడ్డా _ తొలకరి గాలుల అలికిడులా ? ll 24/05/14 ll

269. చిత్తంలో నీ ఊహల చిత్రాలెన్నో _ హరివింటి వర్ణాలనద్దుకుంటూ  ll 30/05/14 ll

270.  కంటి అంచున జారిపోతూ _ నిరాశల ధారలు   ll 30/05/14 ll

271. నిస్సహాయరాలినే _ నీ జ్ఞాపకాల దాడిలో గాయపడుతూ ll 30/05/14 ll

272. భావాల పూబాటనే పరుస్తున్నా _ కవితవై నువ్వు అడుగిడుతుంటే ll 31/05/14 ll

273. ప్రతి ఋతువూ వసంతమే _ యెద చక్షువులలో ....నువ్వు నిండాక ll 31/05/14 ll

274. మది నిండా మరందాలే _ నీ ఊసుల ఆనంద నర్తనాలకి ll 31/05/14 ll

275. అల్లుకుపోయే రాగాలెన్నో _ ఎదను మీటుతూ ... శృతి చేస్తూ ll 01/06/14 ll

276. ఏ మంత్రం వేసావో ? _ జ్ఞాపకాలు కూడా వలస పోతున్నాయి ..నన్ను విడిచి ll 01/06/14 ll

277. తేలిపోతోంది మానస నౌక _ నీ వలపు గోదారిపై  ll 01/06/14 ll

278.  దొంగలా దోచేస్తోంది మనోదర్పణం _ నాలో నున్న నీ రూపాన్ని ll 02/06/14 ll

279. మౌనం పహారా కాస్తోంది _ మనస్సు కోటకి ll 02/06/14 ll

280 . కలలన్నీ బందీలైపోతున్నాయి_ కనురెప్పల జైలులో ll 02/06/14 ll

281 .జలతారు వెన్నెలలను కురిపిస్తూ _ నీ నవ్వుల తారకలు  ll 03/06/14 ll

282.  ఊరుతున్నాయి మమతల ఊటలెన్నో _ నీ మురిపాల చెలమల నుండి  ll 03/06/14 ll

283. నవ్వుల స్మృతులెన్నో _ కనుకొలనులో కదలాడుతూ    ll 03/06/14 ll

284. తామరాకుపై నాట్యమాడే నీటి ముత్యాలలా _ మది కొలనులో నీ ఊసులు ll 08/06/14 ll

285. తలపుల మొలకలెన్నో _ ఆశల చిగురులు తొడుగుతూ   ll 08/06/14 ll  

286. శృతిమీటుతున్నాయి మనోతంత్రులను _ వలపుల గానాలేవో ll 08/06/14 ll

287. కనుపాపల తెరలపై వాలిపోతున్నాయి _ ఊసుల సిగ్గులెన్నో ll 09/06/14 ll    

288. మనో వేణువు పిలుస్తోంది _ గాయాల స్వరాలతో ll 09/06/14 ll    

289.  మలిసంధ్య అలుగుతోంది _ వెలుగు జారిపోతోందని  ll 09/06/14 ll    

290. తరువు వీణలను మీటుతూ _ వాయుగానాలెన్నో  ll 10/06/14 ll    

291. కన్నీరుగా కురిసిపోతూ _ ఓ జ్ఞాపకమేఘం ll 10/06/14 ll

292. మదికెరటం అలసిపోతోంది _ తలపుల ఘోషతో ll 10/06/14 ll

293. సూన్యపు సూక్తులెన్నో _ రాలిపోయే ఆశలనడుమ జన్మిస్తూ ll 11/06/14 ll

294. పెదవులు వర్షించని పదాలెన్నో _ కంటిలో నీటిపొరల సాక్షిగా ll 11/06/14 ll

295. ఒంటరి కుసుమాన్నే _ దిగులు కొమ్మన వ్రేలాడుతూ ll 11/06/14 ll

296. క్షణమొక యుగమే _ రేయంతా రెప్పపడని కనులకు  ll 12/06/14 ll

297. నెలరాజు తోటలో పరిమళిస్తూ _ వేవేల తారాకుసుమాలు ll 12/06/14

298. అర్చనలెన్నో చేస్తున్నా ...మది కోవెలలో _ వలపు విరులతో  ll 12/06/14  ll

299. కనుదోయి చెమరిస్తోంది _ నీ పలుకుల ఆలాపనలో లీనమైపోతూ ll 19/06/14 ll

300. పగలంతా నీ నీడై ఉంటా _ రాత్రంతా నా కలవై తోడుంటానంటే ll 19/06/14 ll

301. చిరునవ్వుల సంతకాలే చేస్తున్నా _ నా ప్రేమ పుస్తకంలో ll 19/06/14 ll

302. తొలకరులకెన్ని చిలిపి నర్తనాలో _ మేఘాల పల్లకిలో ఊరేగుతూ ll 20/06/14 ll

303. కన్నీటితోనే లిఖిస్తున్నా _ వెన్నంటే నీ జ్ఞాపకాల జాడలను ll 20/06/14 ll

304. ఎండమావులై పోతున్నాయి…ఆశల ఒయాసిస్సులు _ కనుపాపల ఎడారిలో ll 20/06/14 ll

305. నీ చూపుల నర్తనాలకేనేమో _ ఎదలో అందెలరవళులు ll 21/06/14 ll

306. మనస్సు లిఖిస్తోంది మౌనలేఖలెన్నో _ వలపు మబ్బులొచ్చి వాలుతుంటే ll 21/06/14 ll

307. తాళమేస్తోంది వలపుగీతిక _ మది పాడే జావళీలకు పరవశిస్తూ   ll  21/06/14 ll

308. చిరునవ్వుల దీపాలెన్నో _ నీ చెలిమి ప్రమిద నిండుగా ll 22/06/14 ll

309. సొమ్మసిల్లుపోతున్నాయి ఆశలు _ నీ హృదయానికి ..వీడ్కోలు పలుకుతూ ll 22/06/14 ll

310. ఆలపిస్తున్నా ....కోయిలనై _ వసంతమెరుగని ఎర్రని ఎడారుల్లో  ll 22/06/14 ll

311. చెక్కిలిని తడిపేస్తూ _ నీ జ్ఞాపకాల ధారలెన్నో ll 23/06/14 ll    

312. కనురెమ్మపై వాలుతూ ఓ తీయనికల _ ఊగుతోంది ఊహల ఊయల ll 23/06/14 ll    

313. మౌనం నవ్వుతోంది _ ధ్యానభంగం కాగానే ll 23/06/14 ll   

314. ఊహల గవాక్షాలనే తెరిచి ఉంచా _ ఆశల రంగవల్లులెన్నో దిద్దుకుంటూ ll 05/07/14 ll    

315. భ్రమర"వరు"లు బారులు తీరేది _ విరి వ(మ)ధువులకోసమే ll 05/07/14 ll

316. మది తుంటరి తూనీగౌతోంది _ నీ తలపుల మకరంద పానంలో ll 05/07/14 ll  

317. వింత పులకరింతలెన్నో...ధరణికి _ తొలకరి జల్లుల అభిషేకిస్తుంటే 17/07/14

318. నీ మాటల చినుకులెన్నో _ సుధల్లా మదిని తడిపేస్తూ 17/07/14   

319.    మది తలుపులనే తెరుస్తున్నా _ నీ ఊసుల అలికిడికి 17/07/14

320.సంబరాలు, జల్లులై కురుస్తున్నాయి _ యవ్వనాల మబ్బులే ముసురుతుంటే ll 18/07/14 ll

321.    మదికోయిల మూగదైపోతోంది _ వలపువసంతం ...శిశిరమైపోతుంటే ll 18/07/14 ll

322. అల్లుకుపోతూ పరిమళిస్తున్న నీ జ్ఞాపకాలు _ పుష్పగుచ్చాన్ని చుట్టుకున్న సుగంధంలా  ll 18/07/14 ll

323. నీ పలకరింతల పరిమళాలకేమో _ మనోవనమంతా పరవశం ll 19/07/14

324. అలసిపోతున్నాయి కనులు _ అలుపెరుగని నీ కలల జోరుతో ll 19/07/14 ll

325. కన్నీటితో కరిగించాలని ప్రయత్నిస్తున్నా. _ మెలిపెట్టేసే నీ జ్ఞాపకాలను ll 19/07/14 ll